Фото: ОАО "Ивацевичдрев"
Савет міністраў пастановай №545 ад 27 кастрычніка вызначыў пазіцыю прадстаўнікоў дзяржавы ў органах кіравання ААТ “Івацэвічдрэў”, якая датычыцца акцый ААТ “Навасвержанскі лесазавод”. Пастанова сёння апублікаваная на Нацыянальным прававым інтэрнэт-партале.
У адпаведнасці з ёй, ААТ “Івацэвічдрэў” бязвыплатна перадасць ва ўласнасць Рэспублікі Беларусь 51 916 акцый ААТ “Навасвержанскі лесазавод”, або 100% акцый гэтага прадпрыемства. Каштоўныя паперы павінны быць прынятыя ва ўласнасць дзяржавы да 31 снежня 2026 года.
Трэба адзначыць, што ў 2021 годзе пры стварэнні холдынга на базе ААТ “Івацэвічдрэў” яму з уласнасці Рэспублікі Беларусь па намінальным кошце былі перададзеныя 51 045 акцый ААТ “Навасвержанскі лесазавод”. Пры гэтым ААТ “Івацэвічдрэў” правяло эмісію дадатковага выпуску акцый, які быў перададзены ва ўласнасць Рэспублікі Беларусь. Акрамя “Навасвержанскага лесазавода”, у рамках стварэння холдынга “Івацэвічдрэву” былі перададзеныя акцыі яшчэ дзевяці прадпрыемстваў. Да гэтага ўсе яны знаходзіліся ў кіраванні “Банка развіцця”.