Фото: IRNA
Беларусь і Іран абмеркавалі супрацоўніцтва ў сферах энергетыкі, прамысловасці і нафтахіміі. Пра гэта ішла гаворка на сустрэчы міністра прамысловасці Беларусі Андрэя Кузняцова з міністрам нафты Ірана Мохсенам Пакнежадам у Тэгеране, паведамляе іранскае агенцтва IRNA.
Пакнежад назваў Іран зямлёй «залатых інвестыцыйных магчымасцей» у нафтагазавай сферы. Тэгеран падрыхтаваў шэраг пагадненняў для дружалюбных краін для працы ў гэтым сектары.
Кузняцоў заявіў, што Беларусь гатова развіваць супрацоўніцтва з Іранам ва ўсіх сферах, асабліва ў нафтахіміі.