Фото: пресс-служба Лукашенко
Беларусь і ЗША працягваюць працаваць над тым, каб у Мінску зноў функцыянавала пасольства Злучаных Штатаў. Пра гэта паведаміў спецпасланнік прэзідэнта ЗША Джон Коўл па выніках перамоў з Аляксандрам Лукашэнкам.
“Мы сапраўды абмеркавалі гэтае пытанне на сустрэчы з прэзідэнтам Лукашэнкам. Перад нашай паездкай сюды мы правялі шырокія кансультацыі з Дзярждэпартаментам ЗША, іншымі задзейнічанымі структурамі. Праца ідзе ў гэтым напрамку. Я не магу назваць ніякіх канкрэтных дат. Але праца ідзе, і абодва бакі пагадзіліся з тым, што гэта вельмі важна”, – сказаў ён.
Нагадаем, пасольства ЗША ў Беларусі поўнасцю прыпыніла працу ў лютым 2022 года. З таго часу каманда пасольства працуе з Вільні.