Reform.news

Літоўская мытня часова прыпыніць працу некалькіх інфармацыйных сістэм

Рэдакцыя Reform.news · 21 лістапада 2026, 11:30

https://reform.news/be/lito-skaja-mytnja-chasova-prypynic-pracu-nekalkih-infarmacyjnyh-sistjem/

Кіроўцаў, якія плануюць 21 лістапада перасякаць беларуска-літоўскую мяжу, папярэдзілі пра часовае адключэнне інфармацыйных сістэм літоўскай мытні.

Згодна з паведамленнем Мытнай службы Літвы, сёння з 8:00 да 20:00 праводзяцца планавыя тэхнічныя работы. На працягу 12 гадзін будуць недаступныя сістэма апрацоўкі мытных дэкларацый iMDAS, Нацыянальная сістэма кантролю транзіту NTKS, сістэма прад’яўлення тавараў для мытнага кантролю PPMKS, а таксама нацыянальныя кампаненты сістэмы кантролю імпарту ICS2.

На час адключэння літоўскі бок прадугледзеў рэзервовы парадак афармлення мытных дэкларацый з выкарыстаннем папяровых дакументаў.

Рэклама

Пакінуць адказ