Новыя рэзідэнты “Вялікага каменя” зоймуцца машынабудаваннем

Рэдакцыя Reform.news · 31 кастрычніка 2026, 08:18

https://reform.news/be/novyja-rjezidjenty-vjalikaga-kamenja-zojmucca-mashynabudavannem/

Адміністрацыя індустрыяльнага парка “Вялікі камень” зарэгістравала двух новых рэзідэнтаў. Кампаніі маюць расійска-кітайскі і кітайскі капітал.

Як паведамілі ў адміністрацыі парка, яны плануюць стварыць вытворчасці кампанентаў і абсталявання для машынабудаўнічай галіны.

“Праекты новых рэзідэнтаў «Вялікага каменя» дазволяць забяспечыць прадпрыемствы запатрабаванай прамысловай прадукцыяй і камплектуючымі, а таксама стварыць дадатковыя магчымасці для развіцця сучасных тэхналогій у гэтай галіне”, – гаворыцца ў паведамленні.

Назвы кампаній, аб’ём інвестыцый і іншыя параметры праектаў не ўдакладняюцца.