Ціханоўская: Беларускі рэжым працягвае пагражаць Еўропе

Рэдакцыя Reform.news · 7 кастрычніка 2026, 11:51

https://reform.news/be/cihano-skaja-belaruski-rjezhym-pracjagvae-pagrazhac-e-rope/

Інцыдэнт на мяжы Латвіі – частка больш шырокай тэндэнцыі. Свабодная і дэмакратычная Беларусь жыццёва важная для бяспекі Еўропы. Так Святлана Ціханоўская пракаментавала ў Х учарашні інцыдэнт на беларуска-латвійскай мяжы.

“Апошні інцыдэнт на мяжы Латвіі — частка больш шырокай тэндэнцыі. Беларускі рэжым працягвае пагражаць Еўропе, выкарыстоўваючы міграцыю і іншыя гібрыдныя атакі. Гэтыя пагрозы будуць захоўвацца да таго часу, пакуль рэжым застаецца ва ўладзе.

Свабодная і дэмакратычная Беларусь жыццёва важная для бяспекі Еўропы”, – напісала яна.

Нагадаем, учора людзі ў масках перайшлі мяжу і скралі дзве камеры назірання на латвійскім баку. Да гэтага ўзброеныя людзі ў масках гналі групу з не менш як 20 мігрантаў у бок латвійскай мяжы і пагражалі латвійскім вайскоўцам.