Пяскоў абверг абмеркаванне змякчэння санкцый ЗША супраць РФ у абмен на вызваленне палітвязняў

Рэдакцыя Reform.news · 30 верасня 2026, 13:52

https://reform.news/be/pjasko-abverg-abmerkavanne-zmjakchjennja-sankcyj-zsha-suprac-rf-u-abmen-na-vyzvalenne-palitvjaznja/

Расія не абмяркоўвала з ЗША магчымае змякчэнне санкцый у абмен на вызваленне палітвязняў. Як заявіў прэс-сакратар Крамля Дзмітрый Пяскоў, такія абмеркаванні немагчымыя, таму што ў Расіі няма палітвязняў.

Паводле слоў Пяскова, пытанне не магло абмяркоўвацца ў такім ключы, «таму што мы катэгарычна адмаўляем наяўнасць якіх-небудзь палітычных зняволеных і лічым, што падобная пастаноўка пытання абсалютна недарэчная».

Пры гэтым Пяскоў адзначыў, што Расія і ЗША рэгулярна кантактуюць па пытаннях абмену зняволенымі.

«Што датычыцца розных абменаў, якія мелі месца да гэтага, то нашы спецыяльныя службы працягваюць рэгулярныя кантакты на гэты конт», — цытуе яго ТАСС.

Нагадаем, амерыканскае выданне The Atlantic пісала, што спецпасланнік Дональда Трампа ў Беларусі Джон Коўл прапануе прымяніць «беларускую схему» да Расіі і змякчыць санкцыі ЗША ў дачыненні да РФ у абмен на вызваленне расійскіх палітвязняў.