Узровень загрузкі вытворчых магутнасцей складае 69% — Мінэканомікі

Рэдакцыя Reform.news · 29 верасня 2026, 13:08

https://reform.news/be/uzroven-zagruzki-vytvorchyh-magutnascej-skladae-69-minjekanomiki/

Пасля двухмесячнага перапынку прэс-служба міністэрства вырашыла раскрыць звесткі пра загрузку вытворчых магутнасцей.

«Узровень загрузкі вытворчых магутнасцей у сярэднім па прамысловасці складае 69%. Сярэдні перыяд забяспечанасці заказамі застаўся на ўзроўні 2,9 месяца», — гаворыцца ў паведамленні.

Трэба адзначыць, што сярэдні перыяд забяспечанасці заказамі не змяніўся ў параўнанні са жніўнем.

У астатнім рэспандэнты даследавання працягнулі выказваць аптымізм.

68% удзельнікаў апытання з ліку кіраўніцтва прадпрыемстваў паведамілі пра павелічэнне альбо захаванне аб’ёмаў выпуску, 73% рэспандэнтаў адзначылі рост альбо стабільную дынаміку попыту.

Каля 35% удзельнікаў даследавання адзначылі трэнд на скарачэнне складскіх запасаў.

73% указалі на захаванне колькасці занятых на прадпрыемствах, 13% — на яе павелічэнне.

Рост інвестыцыйнай актыўнасці ў найбліжэйшыя тры месяцы плануюць 20% кіраўнікоў, 70% — захаванне бягучай дынамікі.

«У кароткатэрміновай перспектыве амаль палова топ-менеджараў мяркуе, што бягучы ўзровень попыту захаваецца, траціна апытаных прагназуюць яго рост. Захаванне аб’ёмаў прамысловай вытворчасці плануюць 46% рэспандэнтаў, павелічэнне выпуску прадукцыі — 36% кіраўнікоў кампаній, 34% — рост прыбытку», — падсумавалі ў міністэрстве.