ІКАО правярае Беларусь

Рэдакцыя Reform.news · 29 верасня 2026, 07:50

https://reform.news/be/ikao-pravjarae-belarus/

У Беларусі з візітам знаходзіцца экспертная група Міжнароднай арганізацыі грамадзянскай авіяцыі (ІКАО). Яна праводзіць праверку сістэмы абароны грамадзянскай авіяцыі ад актаў незаконнага ўмяшання.

Як паведамілі ў прэс-службе Мінтранса, з экспертамі сустрэўся кіраўнік ведамства Аляксей Ляхновіч.

«Галоўным прыярытэтам для нас застаецца ўкараненне стандартаў ІКАО ў нацыянальнае заканадаўства. За апошні час на аснове дакументаў арганізацыі быў перапрацаваны цэлы шэраг авіяцыйных правілаў», — адзначыў міністр.

Ён падкрэсліў, што беларускі бок выступае за аб’ектыўны і канструктыўны аўдыт. Краіна гатовая разгледзець любыя прапановы і рэкамендацыі, якія дапамогуць удасканаліць нацыянальную сістэму абароны грамадзянскай авіяцыі ад незаконнага ўмяшання.

Гэта ўжо другі аўдыт, які ІКАО праводзіць у Беларусі сёлета. У лютым наша краіна паспяхова прайшла праверку ў галіне бяспекі палётаў.