Паслы ЕС зноў паспрабуюць працягнуць санкцыі супраць РФ

Рэдакцыя Reform.news · 18 верасня 2026, 10:33

https://reform.news/be/pasly-es-zno-pasprabujuc-pracjagnuc-sankcyi-suprac-rf/

Працяг санкцый Еўрасаюза супраць Расіі сутыкаецца са складанасцямі. У панядзелак прадстаўнікі краін саюза пры Еўрасавеце ўзгаднілі іх працяг толькі на 7 дзён.

Сёння яны зноў паспрабуюць прыйсці да пагаднення. Пра гэта піша карэспандэнт RFE/RL Рыкард Ёзвяк.

Каменем спатыкнення ў чарговы раз сталі абмежавальныя меры супраць асобных расійскіх алігархаў. Славакія і Люксембург хочуць выключэння са спісаў Алішэра Усманава і Міхаіла Фрыдмана, Францыя — толькі Усманава.

На дадзены момант санкцыі працягнутыя да 22 верасня.