Расія атакавала пункт пропуску на мяжы Украіны і Румыніі

Рэдакцыя Reform.news · 1 верасня 2026, 08:11

https://reform.news/be/rasija-atakavala-punkt-propusku-na-mjazhy-ukrainy-i-rumynii/

Расія сёння ноччу працягнула ракетна-дронавыя ўдары па Украіне.

Як паведаміла Дзяржпагранслужба Украіны, быў атакаваны пункт пропуску “Арлоўка” на мяжы з Румыніяй. На тэрыторыі КПП пашкоджаныя будынкі, пункт пропуску часова не працуе. “Арлоўка” не першы раз падвяргаецца налётам.

У апошнія дні РФ таксама некалькі разоў наносіла ўдары па ўкраінскіх пунктах пропуску на мяжы з Малдовай.

Падчас сённяшняга налёту на Кіеў мэтамі ва ўкраінскай сталіцы таксама сталі аб’екты лагістычнай інфраструктуры. Балістычная ракета ўдарыла па дэпо “Укрзалізниці”, а таксама іншых аб’ектах. У выніку ўдару загінулі сем чалавек, шасцёра з іх – чыгуначнікі. Яшчэ адзін чалавек паранены. Побач з дэпо цалкам разбураны цэх.

Яшчэ адной мэтай агрэсара стаў Барыспаль. У горадзе пашкоджаны пяціпавярховы жылы дом, вядома пра васьмярых пацярпелых, сярод іх дзіця. Акрамя таго, у Барыспалі пашкоджана прадпрыемства, дзе загінуў адзін чалавек.