“Здаў кватэру не занятаму ў эканоміцы”. Мінжылкамгас растлумачыў, як плаціць за камуналку

Рэдакцыя Reform.news · 28 жніўня 2026, 09:14

https://reform.news/be/zda-kvatjeru-ne-zanjatamu-jekanomicy-minzhylkamgas-rastlumachy-jak-placic-za-kamunalku/

Міністэрства жыллёва-камунальнай гаспадаркі апублікавала тлумачэнне, якое датычыцца аплаты камунальных паслуг у выпадку здачы кватэры ў наём грамадзяніну, не занятаму ў эканоміцы. Аказваецца, можна пазбегнуць аплаты ЖКП па так званых эканамічна абгрунтаваных тарыфах.

У кейсе, які разглядаў Мінжылкамгас, грамадзянін, які працуе, здае кватэру не занятаму ў эканоміцы.

У Міністэрстве растлумачылі, што эканамічна абгрунтаваныя тарыфы прымяняюцца да ўсёй плошчы арандаванага жылога памяшкання і на ўвесь аб’ём спажываных паслуг, калі наймальнік з’яўляецца плацельшчыкам ЖКП у арандаванай кватэры.

Разам з тым, калі наймадавец па дамове пакіне аплату ЖКП за сабой, то павышаныя тарыфы да іх прымяняцца не будуць.

“Калі наймадавец і наймальнік у рамках дамовы найму жылога памяшкання прыватнага жыллёвага фонду або ў дадатковым пагадненні да яе вызначыліся пакінуць абавязак па ўнясенні платы за ЖКП за ўласнікам, які афіцыйна працуе, то плаціць па эканамічна абгрунтаваных тарыфах не давядзецца”, – гаворыцца ў тлумачэнні.