У Варшаве развітваюцца з Аляксандрам Мілінкевічам

Рэдакцыя Reform.news · 22 жніўня 2026, 13:15

https://reform.news/be/u-varshave-razvitvajucca-z-aljaksandram-milinkevicham/

У Варшаве сёння развітваюцца з палітыкам і навукоўцам, былым кандыдатам у прэзідэнты Беларусі Аляксандрам Мілінкевічам. Ён будзе пахаваны на Вайсковых могілках Павонзкі.

Цырымонія развітання пачалася ў 10:00 у саборы Святога Яна Хрысціцеля на вуліцы Свентаянскай, 8. Службу праводзіць душпастыр беларускіх католікаў у Варшаве ксёндз Вячаслаў Барок. Пахаванне прызначана на 15:00.

На цырымонію прыйшлі Святлана Ціханоўская, Павел Латушка і іншыя прадстаўнікі дэмсіл.

Нагадаем, пра смерць Аляксандра Мілінкевіча стала вядома 11 жніўня. У лістападзе мінулага года ён перанёс складаную аперацыю на соннай артэрыі. Пасля яе ён доўгі час знаходзіўся ў цяжкім стане і праходзіў рэабілітацыю.