Літоўскага бізнесмена затрымалі ў Беларусі

Рэдакцыя Reform.news · 18 жніўня 2026, 12:02

https://reform.news/be/lito-skaga-biznesmena-zatrymali-belarusi/

У Беларусі ў чэрвені быў затрыманы літоўскі бізнесмен Вітаўтас Сланкаўскас. Пра гэта паведамляе LRT са спасылкай на МЗС Літвы.

Сланкаўскас працаваў кіраўніком аддзела ўнутранага аўдыту ў аўстрыйскай інвестыцыйнай кампаніі HS Belacon у Беларусі, а да гэтага тры гады ўзначальваў гэтую кампанію.

У МЗС паведамілі, што пасольства Літвы было праінфармаванае пра затрыманне.

Паводле інфармацыі LRT, літоўскага грамадзяніна абвінавачваюць у пастаўцы няякасных дэталяў. Аднак дакладныя абставіны невядомыя. МЗС адмовілася раскрываць інфармацыю.