Пры выбуху ў Севастопалі загінуў, меркавана, былы камандзір украінскай падводнай лодкі

Рэдакцыя Reform.news · 13 жніўня 2026, 13:32

https://reform.news/be/pry-vybuhu-sevastopali-zaginu-merkavana-byly-kamandzir-ukrainskaj-padvodnaj-lodki/

Раніцай 13 жніўня ў Севастопалі ў акупаваным Расіяй Крыме адбыўся выбух, у выніку якога загінуў мужчына.

ФСБ Расіі заяўляе, што загінулы — вайсковец Чарнаморскага флоту РФ. Па факце выбуху затрыманая жанчына, якая нібыта “выконвала заданне спецслужбаў Украіны”.

Паводле інфармацыі расійскага тэлеграм-канала 112, выбух адбыўся ў скверы за жылым масівам на Сталетаўскім праспекце. Выбуховае прыстасаванне магло знаходзіцца ва урне або пад лаўкай.

Тэлеграм-каналы паведамляюць, што загінулы — афіцэр Чарнаморскага флоту РФ Роберт Шагееў. Ён быў камандзірам украінскай падводнай лодкі «Запарожжа» і ў 2014 годзе перайшоў на бок Расіі.