Рабочы загінуў на нарыхтоўцы торфу ў Талачынскім раёне

Рэдакцыя Reform.news · 11 жніўня 2026, 16:45

https://reform.news/be/rabochy-zaginu-na-naryhto-cy-torfu-talachynskim-rajone/

У Талачынскім раёне пры нарыхтоўцы торфу загінуў рабочы, паведамляе Дзяржкамітэт судовых экспертыз.

У пачатку жніўня машыніст экскаватара выконваў работы ў кар’еры па нарыхтоўцы торфу. У нейкі момант экскаватар з’ехаў у кювет, перакуліўся і прыціснуў рабочага. Мужчына памёр.

Судова-медыцынская экспертыза ўстанавіла, што смерць наступіла ад механічнай асфіксіі ў выніку здушэння грудной клеткі і жывата.