Беларуская кампазітарка і арганістка Вольга Падгайская выклала ў сеціва альбом сваіх арганных твораў

Reform.news · 9 ліпеня 2026, 18:43

https://reform.news/be/belaruskaja-kampazitarka-i-arganistka-volga-padgajskaja-vyklala-seciva-albom-svaih-argannyh-tvora/

Кампазітарка Вольга Падгайская выпусціла альбом арганных твораў «Organ Works», а цяпер яго можна праслухаць у сеціве, пры жаданні – набыць для праслухоўвання ў добрай якасці.

Кружэлка выйшла крыху раней на польскім саблейбле Opus-series.com.

У альбом увайшлі дзевяць твораў, запісаныя на аргане касцёла Святога Сямейства ў Варшаве.

Паводле аўтаркі, гэты альбом — глыбока асабістая і інтымная гісторыя пра жыццё ў часы татальнай нявызначанасці, трывогі і грамадскага напружання. Кожны твор ствараўся як рэакцыя на сучасныя выклікі — унутраны страх, гнятлівую цішыню, вострую патрэбу ў чалавечай блізкасці і, нягледзячы ні на што, пошук святла.

Падпісвайцеся на культурныя навіны Reform.news у Telegram