Офіс Ціханоўскай папярэдзіў пра пачашчэнне выпадкаў махлярства ад яго імя

Рэдакцыя Reform.news · 1 ліпеня 2026, 19:23

https://reform.news/be/ofis-cihano-skaj-papjarjedzi-pra-pachashchjenne-vypadka-mahljarstva-ad-jago-imja/

Офіс Святланы Ціханоўскай паведаміў пра пачашчэнне выпадкаў, калі зламыснікі выдаюць сябе за супрацоўнікаў або прадстаўнікоў арганізацыі. Махляры пішуць з новых акаўнтаў і нумароў, спрабуюць увайсці ў давер або атрымаць асабістую інфармацыю.

У офісе заклікалі не давяраць паведамленню толькі таму, што суразмоўца прадставіўся яго супрацоўнікам, і падрыхтавалі адказы на найбольш частыя пытанні па бяспецы.

Прадстаўнікі дэмсіл рэкамендуюць заўсёды правяраць кантакты па афіцыйным спісе на сайце tsikhanouskaya.org, а пры выяўленні фэйкавага акаўнта — паведаміць у офіс і падаць запыт на выдаленне акаўнта ў адпаведным месенджары.