МЗС: звестак пра пацярпелых у выніку землятрусаў у Венесуэле беларусаў няма

Рэдакцыя Reform.news · 25 чэрвеня 2026, 19:57

https://reform.news/be/mzs-zvestak-pra-pacjarpelyh-u-vyniku-zemljatrusa-u-venesujele-belarusa-njama/

Звестак пра грамадзян Беларусі, якія пацярпелі ў выніку землятрусаў у Венесуэле, у беларускае пасольства не паступала. Пра гэта паведамілі ў прэс-службе беларускага МЗС, піша БелТА.

Увечары 24 чэрвеня ў Венесуэле адбыліся два магутныя землятрусы магнітудай 7,2 і 7,5, пасля якіх было зафіксавана 30 афтаршокаў. Улады краіны ўвялі рэжым надзвычайнага становішча. Паводле афіцыйных даных, загінулі 164 чалавекі, 971 пацярпеў.