Гранаты і выбухоўку канфіскавалі ў жыхара Магілёва

Рэдакцыя Reform.news · 24 чэрвеня 2026, 11:15

https://reform.news/be/granaty-i-vybuho-ku-kanfiskavali-zhyhara-magiljova/

Міліцыянеры канфіскавалі ў 52-гадовага жыхара Магілёва невялікі арсенал. Узбуджана крымінальная справа, паведамілі ў прэс-службе МУС.

У доме мужчыны былі знойдзены карабін з аптычным прыцэлам, 2 асколачныя гранаты, больш за 2 кг розных выбуховых рэчываў, амаль 100 патронаў да наразной агнястрэльнай зброі, ствол са ствольнай каробкай ад вінтоўкі, выбухальнік для ручных гранат, капсуль-дэтанатар і электрадэтанатар.

Адзначаецца, што мужчына раней быў судзімы за незаконны абарот зброі, а таксама крадзеж.