СК кваліфікаваў інфармацыю пра затрыманне былога кіраўніка Гомельскага гарвыканкама як паклёп

Рэдакцыя Reform.news · 18 чэрвеня 2026, 09:49

https://reform.news/be/sk-kvalifikava-infarmacyju-pra-zatrymanne-byloga-kira-nika-gomelskaga-garvykankama-jak-pakljop/

Следчы камітэт паведаміў пра ўзбуджэнне крымінальнай справы па фактах публікацыі інтэрнэт-рэсурсамі інфармацыі пра затрыманне былога старшыні Гомельскага гарвыканкама Уладзіміра Прывалава.

“Указаная інфармацыя не адпавядае рэчаіснасці. У дачыненні да Уладзіміра Прывалава крымінальная справа не ўзбуджалася, крымінальны пераслед не ажыццяўляўся”, — заявілі ў СК.

Гомельскі гарадскі аддзел камітэта ўзбудзіў крымінальную справу паводле артыкула за паклёп (арт. 188 КК).

“У цяперашні час праводзяцца следчыя дзеянні для ўстанаўлення асоб, датычных да стварэння фэйка і публічнага распаўсюджвання ілжывай інфармацыі, якая ганьбіць”, — дадалі ў СК.