Расія збіраецца паскардзіцца ў суд ААН на краіны Балтыі

Рэдакцыя Reform.news · 25 мая 2026, 09:34

https://reform.news/be/rasija-zbiraecca-paskardzicca-sud-aan-na-krainy-baltyi/

Расія збіраецца накіраваць зварот у Міжнародны суд ААН у дачыненні да Літвы, Латвіі і Эстоніі. Падставай называецца парушэнне правоў рускамоўнага насельніцтва.

“Неаднаразова заклікалі Латвію, Літву і Эстонію да міжнароднай адказнасці ў сувязі з гэтымі працяглымі парушэннямі. Аднак улады гэтых краін адмаўляюцца спыніць сваю супрацьпраўную палітыку, усе спробы ўрэгуляваць рознагалоссі шляхам перамоваў аказваюцца безвыніковымі. У гэтай сувязі нам, відавочна, давядзецца перавесці нашы прэтэнзіі ў судовае рэчышча шляхам звароту ў галоўны судовы орган ААН — Міжнародны суд”, – цытуюць “Известия” заяву расійскага МЗС.

Раней РФ ужо накіроўвала падобныя звароты ва ўпраўленне Вярхоўнага камісара ААН па правах чалавека, а таксама на адрас Вярхоўнага камісара АБСЕ па справах нацыянальных меншасцяў.