«Калідор для забойцаў = саўдзел = расплата» — камандуючы Сіламі беспілотных сістэм Украіны прыгразіў Лукашэнку за пропуск шахедаў

Рэдакцыя Reform.news · 16 мая 2026, 10:47

https://reform.news/be/kalidor-dlja-zabojca-sa-dzel-rasplata-kamandujuchy-silami-bespilotnyh-sistjem-ukrainy-prygrazi-lukashjenku-za-propusk-shaheda/

Камандуючы Сіламі беспілотных сістэм Украіны Роберт «Мадзяр» Броўдзі звярнуўся да Аляксандра Лукашэнкі з жорсткім папярэджаннем у сувязі з выкарыстаннем беларускай паветранай прасторы для атак на Украіну.

«Мінскі гаўляйтар Лукашэску! Мы фіксуем пралёт кожнага “шахеда”, які, скарыстаўшыся калідорамі Беларусі, накіроўваецца ва Украіну, кожную тваю фрыкцыю і хістанне з вайсковым адценнем. Ты можаш колькі заўгодна круціць вусы на камеру і хлусіць свайму запалоханаму народу пра «нейтралітэт», але твае канечнасці ўжо па самыя плечы ў крывавай юшцы забойстваў мірных украінцаў», — напісаў Броўдзі ў Facebook.

«Трэк наступны: калідор для забойцаў = саўдзел = расплата», — дадаў камандуючы.