Мінгарсуд пачынае завочны працэс у дачыненні да чатырох чалавек

Рэдакцыя Reform.news · 22 красавіка 2026, 10:36

https://reform.news/be/mingarsud-pachynae-zavochny-pracjes-u-dachynenni-da-chatyroh-chalavek/

Мінскі гарадскі суд у парадку спецвытворчасці пачынае разглядаць справу ў дачыненні да чатырох чалавек.

Як паведамілі ў праваабарончым цэнтры “Вясна”, сёння завочна пачынаюць судзіць Андрэя Балмакова, Яўгенію Тачыцкую, Кацярыну Астрову, Антаніну Найдовіч.

Усім ім інкрымінавана ч. 2 арт. 361-4 (“Садзейнічанне экстрэмісцкай дзейнасці”), а Антаніне дадаткова – арт. 369 (“Абраза прадстаўніка ўлады”) Крымінальнага кодэкса.

Яўгенія Тачыцкая ўжо была завочна асуджана па справе пра падрыў самалёта ДРЛА А-50 на аэрадроме Мачулішчы.