З Беларусі ў Літву вярнулася 679 грузавікоў

Рэдакцыя Reform.news · 7 красавіка 2026, 22:52

https://reform.news/be/z-belarusi-litvu-vjarnulasja-679-gruzaviko/

Па стане на 7 красавіка ў Літву з Беларусі вярнуліся 679 грузавікоў, піша Delfi са спасылкай на Службу дзяржаўнай мяжы Літвы.

Паводле даных літоўскіх памежнікаў, 362 аўтамабілі вярнуліся праз пункт пропуску «Мядзінінкай», 317 — праз «Шальчынінкай».

Грузавікі з літоўскімі нумарамі затрымаліся ў Беларусі з лістапада, калі Літва закрыла мяжу з Беларуссю. Беларускія ўлады змясцілі аўтамабілі на спецыяльныя платныя стаянкі і не выпускалі іх некалькі месяцаў.

Перавозчыкам дазволілі забраць свае грузавікі з 24 сакавіка, пасля перамоваў Аляксандра Лукашэнкі і спецпасланніка прэзідэнта ЗША Джона Коўла.