Метэазонд з цыгарэтамі прызямліўся ў двары дома ў Літве

Рэдакцыя Reform.news · 26 сакавіка 2026, 12:54

https://reform.news/be/metjeazond-z-cygarjetami-pryzjamli-sja-dvary-doma-litve/

Ноччу ў чацвер метэазонд з цыгарэтамі прызямліўся ў двары дома жыхара горада Жэжмарай Каўнаскага раёна ў Літве, паведамляе LRT.

Мужчына паведаміў пра здарэнне паліцыі. Паліцэйскія, якія прыбылі на месца, выявілі 1500 пачкаў цыгарэт у каробках і GPS-трэкер. Сам паветраны шар затрымаўся на дрэве на вышыні 4 метры. Каб яго зняць, спатрэбілася дапамога пажарных.