Міліцыя закрыла самагонны завод пад Гродна

Рэдакцыя Reform.news · 16 сакавіка 2026, 10:38

https://reform.news/be/milicyja-zakryla-samagonny-zavod-pad-grodna/

УУС Гродзенскага аблвыканкама паведаміла пра закрыццё ў Гродзенскім раёне завода па вытворчасці самагону.

Нелегальны бізнес наладзіў 60-гадовы мясцовы жыхар. У гаспадарчай пабудове ён усталяваў два самагонныя апараты. Ёмістасці для брагі маглі змяшчаць да 4 тон. Таксама ў пабудове знайшлі 180 літраў гатовага самагону.

“У цяперашні час праваахоўныя органы высвятляюць памеры незаконнага даходу, а ўзоры прадукцыі накіравалі на экспертызу, па выніках якой дзеянням парушальніка будзе дадзена прававая ацэнка”, — паведамілі ў міліцыі.