Алесь Бяляцкі сустрэўся з Вярхоўным камісарам ААН па правах чалавека

Рэдакцыя Reform.news · 12 сакавіка 2026, 15:15

https://reform.news/be/ales-bjaljacki-sustrje-sja-z-vjarho-nym-kamisaram-aan-pa-pravah-chalaveka/

Кіраўнік праваабарончага цэнтра «Вясна» Алесь Бяляцкі і дарадца Святланы Ціханоўскай па прававых пытаннях Леанід Марозаў сустрэліся з Вярхоўным камісарам ААН па правах чалавека Фолькерам Тюркам. Сустрэча прайшла ў Жэневе 12 сакавіка.

Бакі абмеркавалі сітуацыю з правамі чалавека ў Беларусі, у тым ліку становішча палітвязняў і ролю міжнародных механізмаў у абароне фундаментальных правоў і свабод, паведамляе Офіс Ціханоўскай.

Бяляцкі падкрэсліў неабходнасць пастаяннай увагі міжнароднай супольнасці да сітуацыі ў Беларусі. Марозаў адзначыў важнасць механізмаў маніторынгу правоў чалавека ў Беларусі ў рамках сістэмы ААН.