Праваабаронцы прызналі палітвязнямі яшчэ 8 чалавек

Рэдакцыя Reform.news · 16 лютага 2026, 12:40

https://reform.news/be/pravaabaroncy-pryznali-palitvjaznjami-jashchje-8-chalavek/

Беларускія праваабаронцы апублікавалі заяву аб прызнанні палітвязнямі яшчэ 8 чалавек.

Палітвязнямі прызнаны Дзмітрый Барсукоў, Ігар Губарэвіч, Павел Вахлакоў, Віталь Новікаў, Аляксандр Сульжыц, Сяргей Лагвіновіч, Віталь Кушнярэвіч і Аляксандр Хазееў. Яны ўзятыя пад варту або асуджаныя за ўзаемадзеянне з «экстрэмісцкімі фарміраваннямі». Аляксандра Хазеева таксама абвінавачваюць у закліках да санкцый, абразе Лукашэнкі і паклёпе на яго.

Праваабаронцы заклікаюць вызваліць названых асобаў, а таксама ўсіх астатніх палітвязняў, спыніць рэпрэсіі.