ААЦ загадаў закрыць доступ да беларускіх сайтаў для карыстальнікаў з-за мяжы

Рэдакцыя Reform.news · 17 снежня 2025, 21:28

https://reform.news/be/aac-zagada-zakryc-dostup-da-belaruskih-sajta-dlja-karystalnika-z-za-mjazhy/

Як стала вядома Reform.news, Аператыўна-аналітычны цэнтр пры прэзідэнце загадаў на два дні абмежаваць доступ замежных карыстальнікаў да сайтаў, размешчаных на тэрыторыі Беларусі. Блакіроўка будзе ўключана сёння ўначы.

Абмежаванні закрануць віртуальны хостынг і размешчаныя на ім сайты. Яны будуць дзейнічаць з 00:00 18 снежня да 23:59 19 снежня 2025 года.

Меры нібыта абумоўлены пагрозамі для аб’ектаў інфармацыйнай інфраструктуры і інфармацыі, якая апрацоўваецца з іх выкарыстаннем.

Магчыма, абмежаванні звязаныя з правядзеннем другога пасяджэння сёмага Усебеларускага народнага сходу 18–19 снежня 2025 года.