Арыштаваныя ў ксяндза Генрыха Акалатовіча старадаўнія іконы вывезлі ў Нацыянальны мастацкі музей і выставілі на аўкцыён

Reform.news · 23 апреля 2026, 14:05

https://reform.news/aryshtavanyja-ksjandza-genryha-akalatovicha-starada-nija-ikony-vyvezli-nacyjanalny-mastacki-muzej-i-vystavili-na-a-kcyjon/

На дзяржаўкцыён выставілі два абразы, даўжніком па лоце пазначаны Акалатовіч Генадзь Уладзіслававіч (свецкае імя ксяндза Генрыха), заўважыла «Хрысціянская візія».

Святар быў абвінавачаны ў здрадзе дзяржаве. Акрамя 11 гадоў пазбаўлення волі, яму выставілі штраф, які павінен быў пакрыць шкоду, нібыта нанесеную Акалатовічам, – 1 млн 700 тысяч рублёў. Пасля яго вызвалення і выезду з Беларусі ўлады на падставе рашэння суда канфіскавалі яго маёмасць для пагашэння нібыта «запазычанасці».

На аўкцыён выставілі абраз ХІХ — пачатку ХХ стагоддзя «Свяціцель Іуліян, біскуп Кенаманійскі». У апісанні гаворыцца, што такі сюжэт сустракаецца рэдка і ўяўляе гістарычную цікавасць як аб’ект культурнай спадчыны.

Пачатковая цана лота — 700 рублёў.

Другі абраз — «Узняццё Хрыста з труны» — датуецца другой паловай — канцом XVIII стагоддзя. Пачатковая цана лота — 4000 рублёў.

Таргі па абодвух абразах прызначаныя на 14 траўня.

Падпісвайцеся на культурныя навіны Reform.news у Telegram