Праграма ArtPower Belarus працягвае грантавы конкурс беларускай незалежнай культуры і запрашае падаваць заяўкі на фінансаванне мастацкіх і міжсектаральных ініцыятываў.
Прыём заявак адкрыты да 13 студзеня 2026 года (23:59 па мінскім часе).
У гэтым коле можна падацца як на MINI-гранты (€3000–10 000), так і на MIDI-гранты (€10 000–40 000, у асобных выпадках — да €60 000).
Удзельнічаць могуць беларускія творцы і дзеячы культуры ў Беларусі і за яе межамі, культурніцкія арганізацыі, незалежныя ініцыятывы і партнёрскія праекты. Падтрымліваюцца мастацкія, адукацыйныя, даследчыя і медыйныя ініцыятывы, фестывалі, выставы, паказы, публічныя падзеі і іншыя фарматы, што спрыяюць развіццю беларускай культуры.
ArtPower Belarus нагадвае, што таксама ў снежні адбудуцца дзве інфасесіі ў Zoom:
- 2 снежня — «Што варта ведаць пра новае кола Трэку 2»
- 9 снежня — «Падрыхтоўка бюджэту заяўкі»
Падрабязнасці тут.
Падпісвайцеся на культурныя навіны Reform.news у Telegram