«Urząd Przyjemności» — Беларускі Свабодны тэатр у новым спектаклі паднімае тэму бязлітаснай бюракратыі ўжондаў

Reform.news · 7 августа 2025, 18:23

https://reform.news/urzad-przyjemnosci-belaruski-svabodny-tjeatr-u-novym-spektakli-padnimae-tjemu-bjazlitasnaj-bjurakratyi-zhonda/

«Гэта гісторыя не пра Польшчу, а пра сістэму, якая забываецца, што перад ёй — чалавек», — так анансуе сваю новую пастаноўку «Urząd Przyjemności» кіраўнік Беларускага Свабоднага тэатра Мікалай Халезін. На прэм’еру спектакля, якая адбудзецца ў Варшаве 20 верасня, ужо раскуплены ўсе квіткі. Але пастаноўка будзе ісці ў Skłot Syrena цягам верасня і кастрычніка.

«Бюракратыя — гэта таксама палітычная сцэна, а значыць — надышоў час зрабіць з яе тэатр», — заўважае каманда тэатра.

Спектакль створаны з асабістага досведу актораў, якія самі праходзілі праз ужонды, анкеты, бясконцыя чэргі, абыякавыя погляды.

«Urząd Przyjemności» — гэта споведзь людзей, якія не хацелі з’язджаць, але былі вымушаныя. І нават тут [у замежжы] павінны даказваць, што маюць права на жыццё. Гэта шчырая тэатральная работа без эфектаў, але з эфектам, які застаецца надоўга. Тут асабісты досвед становіцца тэатрам. Без фільтраў, без літасці», — акрэслівае пасланне спектакля ў анатацыі каманда.

Мовы пастаноўкі: польская, ангельская, беларуская, руская.

Час і месца паказаў: 21 верасня, 4 кастрычніка, 5 кастрычніка, 11 кастрычніка, Skłot Syrena, (ul. Wilcza 30), Варшава.

Набыць квіткі можна тут.

Падпісвайцеся на культурныя навіны Reform.news у Telegram