Дзіцячая пісьменніца Надзея Ясмінска выкладвае анлайн дзіцячы травелог

Reform.news · 29 июля 2024, 14:08

https://reform.news/dzicjachaja-pismennica-nadzeja-jasminska-vykladvae-anlajn-dzicjachy-travelog/

Надзея Ясмінска пачала выкладваць анлайн дзіцячы травелог з назвай «Дзіўны дом». Пра гэта пісьменніца напісала ў сваім фэйсбуку.

З мастачкай Юліяй Ягоўдзік яны марылі пра папяровую кнігу, аднак яе выданне затрымліваецца. Таму творцы прынялі рашэнне рукапіс паступова выкладаць і такім чынам даць тэксту жыццё.

Ужо выйшаў уступ і першая частка гісторыі пра грака Грака, які шукае свайго сябра — хатняга гадаванца грака Крага.

Надзея Ясмінска папярэджвае, што тэкст пакуль публікуецца без рэдактуры і просіць заўвагі і пажаданні пісаць у каментарах.

Фармат вельмі падабаецца каментатарам, якія нават прапанавалі зрабіць дзіцячы квэст.

Сачыць за птушынымi прыгодамi ў электронным фармаце можна на старонцы пісьменніцы.