Распачаўся трынаццаты сезон літаратурнай прэміі імя Ежы Гедройця

Reform.news · 13 июня 2024, 14:27

https://reform.news/raspacha-sja-trynaccaty-sezon-litaraturnaj-prjemii-imja-ezhy-gedrojcja/

Арганізатары прэміі імя Ежы Гедройця за найлепшую арыгінальную кнігу, напісаную на беларускай мове ў жанрах мастацкай і дакументальнай прозы і выдадзеную ў 2023 годзе, абвяшчаюць пачатак прыёму заявак

Намінаваць кнігі на ўдзел могуць самі аўтары, выдавецтвы, творчыя аб’яднанні, культурніцкія інстытуцыі, літаратурныя СМІ, аргкамітэт прэміі і сябры журы. Для гэтага трэба запоўніць адпаведную форму.

Рэгламент прэміі тут.

Патрон прэміі — Ежы Гедройць, вядомы публіцыст, палітык і паслядоўны прыхільнік добрасуседскіх зносінаў паміж Польшчай і Беларуссю, Літвой, Украінай.

Заяўкі прымаюцца да 4 ліпеня 2024 года ўключна.