Адукацыйны праект «Мова культуры» ў Варшаве запрашае беларускіх дзеячаў культуры засвоіць польскую мову

Reform.news · 18 октября 2023, 22:37

https://reform.news/adukacyjny-praekt-mova-kultury-varshave-zaprashae-belaruskih-dzejacho-kultury-zasvoic-polskuju-movu/

Адукацыйны праект «Мова культуры» прапануе беларускім мастакам, дзеячам і дзяячкам культуры прасунуцца ў вывучэнні польскай мовы. Мэта ініцыятывы, якую курыруюць куратарка і арт-менеджарка Вольга Мжэльская і адукатарка Караліна Шчэпік, даць магчымасць беларускай арт-супольнасці засвоіць на польскай прафесійны слоўнік культуры.

На «Мову культуры» запрашаюцца дзеячы і дзяячкі, які ведаюць польскую мову на ўзроўні A2.

Заняткі будуць ладзіцца па формуле нетворкінгу.

«У праекце важнае яго практычнае вымярэнне: мы будзем наведваць выставы ва ўстановах культуры Варшавы, абмяркоўваць іх за кубачкам кавы і знаёміцца з польскімі дзеячамі культуры», — адзначаецца ў апісанні да ініцыятывы.

У перыяд з 6 лістапада па 13 снежня адбудуцца: тры сумесныя наведванні выставы, размова падчас майстар-класа з польскім скульптарам, бранч, які арганізатаркі падрыхтавалі з польскімі сябрамі.

Запоўніць анкету на ўдзел у праекце можна тут. Дэдлайн — 22 кастрычніка.

Падрабязней пра ўмовы ўдзелу тут.

Праект суфінансаваны Staromiejski Dom Kultury і мэрыяй Варшавы.