Вулічны тэатр «Вір» выступіць у Беластоку

Reform.news · 7 января 2023, 12:12

https://reform.news/vulichny-tjeatr-vir-vystupic-u-belastoku/

Сёння, 7 студзеня, з 13.00 да 15.00 у парку Браніцкіх у Беластоку пакажа каляднае шоу вулічны тэатр “Вір”.

Абяцаюць хадулі, трукі і гульні.

Вандроўны тэатр “Вір” (мастацкі кіраўнік і заснавальніца Ганна Несцерава) – гэта суполка людзей, якіх аб’яднала цікавасць да карнавальнай культуры сваёй краіны.

У рэпертуары тэатра як спектаклі з драматычным сюжэтам, якія гледачы называюць «добрымі казкамі», так і вясёлыя пастаноўкі з удзелам хадулістаў, жанглёраў і факіраў.

На дадзены момант артысты выступаюць у Еўропе.