Ва Украіне ў рамках нацыянальнага тура «Кіно дзеля перамогі!» адбылося 906 кінапаказаў 41 украінскага фільма

З 6 жніўня па 20 кастрычніка, паведамляе Укрінформ, украінскія фільмы ў рамках тура прывезлі ў 170 населеных пунктаў 18 абласцей краіны. Мэтай нацыянальнага тура з’яўляецца маральная падтрымка гледачоў у перыяд поўнамаштабнай расійска-ўкраінскай вайны.

Асабліва важнай падчас рэалізацыі тура было ўзаемадзеянне з падраздзяленнямі Нацыянальнай гвардыі Украіны і Узброеных сіл Украіны, дзякуючы якому для ўкраінскіх вайскоўцаў прайшлі шматлікія кінапаказы і сустрэчы з кіназоркамі.

«Тур такога маштабу, геаграфіі, інтэнсіўнасці падзей, а галоўнае, з такім важным матывацыйным і кансалідуючым напаўненнем, адбыўся ва Украіне ўпершыню, – кажа Андрэй Рызоль, прадзюсар, старшыня Асацыяцыі «Глядзі ўкраінскае!». – Улічваючы яшчэ і зусім няпростыя ўмовы арганізацыі тура ў ваенны час, мы надзвычай рады, што ўсё ўдалося рэалізаваць на высокім арганізацыйным узроўні, з максімальным прыцягненнем кіназорак і абсалютнай верай у Перамогу».

Палкоўнік з Цэнтра маральна-псіхалагічнага забеспячэння Узброеных Сіл Украіны Уладзімір Мацвійчук пракаментаваў Укрінформ: «Мы маем магутную зброю ў выглядзе ўкраінскіх фільмаў, якія адкрывае ўкраінскаму байцу і шараговаму грамадзяніну вочы. Паміж выбухамі, авіяналётамі і артабстрэламі мы перамяшчаліся на аднаўленне на палігон альбо ў пункт пастаяннай дыслакацыі, каб паглядзець украінскае кіно, пераключыцца, пагутарыць з акцёрамі… «Кіно дзеля перамогі!» дае разуменне, як нараджаюцца сімвалы нацыі, якімі кіруемся дагэтуль: смеласць, згуртаванасць і неабыякавасць!».