У Стоўбцах пачалося ўсталяванне помніка Якубу Коласу. Трэцяга лістапада будзе адзначацца юбілей класіка беларускай літаратуры, адкрыццё скульптуры запланавалі да гэтай даты.
![У Стоўбцах усталёўваюць помнік Якубу Коласу](https://reform.news/wp-content/uploads/2022/10/fota-z-telegram-kanalu-supolka-belaruskih-pismennikaў.jpg)
У сакавіку 2019 года Міністэрства культуры аб’явіла конкурс эскізных праектаў помніка Якубу Коласу ў Стоўбцах. Сярод абавязковых умоў конкурсу – стварэнне кампазіцыі ў адпаведнасці з лепшымі традыцыямі класічнага і беларускага манументальнага мастацтва. З прадстаўленых 15 скульптурных работ адабралі праект творчага калектыва Івана Міско, Сяргея Логвіна і Уладзіміра Піпіна.
Якуб Колас нарадзіўся 3 лістапада 1882 года (па новым стылі) у засценку Акінчыцы Мінскага павета Мінскай губерні. Цяпер гэта месца знаходзіцца ў межах горада Стоўбцы. Помніка Коласу тут раней не было, яго бронзавы бюст быў усталяваны да 90-годдзя пісьменніка на радзіме яго бацькоў, у вёсцы Мікалаеўшчына, у 1972 годзе.
Если вы нашли ошибку, пожалуйста, выделите фрагмент текста и нажмите Ctrl+Enter.
Сообщить об опечатке
Текст, который будет отправлен нашим редакторам: