Netflix можа набыць вялікі пакет украінскіх фільмаў

На стрымінгавай платформе Netflix могуць з’явіцца да 14 украінскіх праектаў, – піша suspilne.media.

Сярод іх «Снайпер. Белы крумкач», «Шалёнае вяселле», «Лепшыя выходныя». Пра гэта паведамляе выданне Forbes.

У верасні на платформе ўжо з’явіліся фільмы «Бурштынавыя капальні», «Сустрэча аднакласнікаў» і «Дзікае поле» паводле рамана Сяргея Жадана «Варашылаўград».

У сакавіку Netflix адмовіўся ад трансляцыі расійскіх федэральных каналаў, прыпыніў працу ў Расіі, выдаліўшы сваё прыкладанне з App Store і Google Play.

8 верасня стала вядома, што Netflix адкрыў у Варшаве прадстаўніцтва, якое будзе працаваць на Цэнтральную і Усходнюю Еўропу. Сярод краін пазначана Украіна.