Першы хакатон праектаў для культуры Беларусі «Культурны код» адбываўся 9-11 верасня. Запрашаліся ўдзельнікі з праектамі, у якіх яднаецца культурная дзейнасць з тэхналогіямі, і якія будуць важныя для беларусаў, дзе б яны не знаходзіліся.
Удзельнікі атрымлівалі магчымасць скарыстацца экспертызай запрошаных ментараў і ментарак, сабраць міждысцыплінарную каманду спецыялістаў, пазнаёміцца з ідэямі адмыслоўцаў у актуальнай культуры Беларусі і з сумежных сфер і нарэшце – рэалізаваць тыя ідэі для беларускай культуры, якія патрабуюць тэхналагічных інструментаў.
Арганізатары хакатону – Беларуская Рада культуры і Imaguru Startup HUB Vilnius – падвялі вынікі і назвалі пераможцаў.
На хакатоне было больш за 90 удзельнікаў, больш за 20 ментараў са сферы бізнесу і ІТ і больш за 20 ідэй.
З 16 каманд, што дабраліся да фіналу, 9 атрымалі магчымасць прайсці акселерацыйную праграму, каб дапрацаваць свае праекты. Гэта:
– Агрэгатар віртуальных выставаў з phygital інструментаром: каб рэпрэзентаваць культуру і гісторыю.
– VR-прастора: дазволіць стаць героям беларускіх рытуалаў і пазнаёміцца з міфалагічнымі істотамі.
– Платформа для буккросінгу: каб абменьвацца беларускімі кнігамі ва ўмовах эміграцыі і закрыцця выдавецтваў.
– Праекты для вывучэння беларускай мовы: для малодшых школьнікаў і слоўнік сучаснай гутарковай беларускай мовы.
– Тэлеграм-бот: будзе падказваць беларускую музыку і папулярызаваць яе.
– Мабільныя дадаткі (гід і навігатар): для аўдыяэкскурсій і квэстаў у розных гарадах і ў падарожжах па Беларусі.
– AR-інструмент: каб вярнуць на вуліцы Беларусі творчасць і свабоду.
Если вы нашли ошибку, пожалуйста, выделите фрагмент текста и нажмите Ctrl+Enter.
Сообщить об опечатке
Текст, который будет отправлен нашим редакторам: