Раман Альгерда Бахарэвіча «Сарока на шыбеніцы» патрапіў у кароткі спіс цэнтральнаеўрапейскай літаратурнай прэміі Angelus

Reform.news · 30 августа 2022, 12:04

https://reform.news/327712-raman-algerda-baharjevicha-saroka-na-shybenicy-patrapi-karotki-spis-cjentralnae-rapejskaj-litaraturnaj-prjemii-angelus/

Пра гэта літаратар паведаміў у сваім фэйсбуку.

У чэрвені журы абрала 14 кніг са ста ў доўгі спіс, сёння з 14 засталося сем. Аб’яўленне пераможцы, а таксама цырымонія ўзнагароджання пройдуць 15 кастрычніка ва Уроцлаве. Аўтар або аўтарка ўзнагароднай кнігі атрымае 150 тысяч злотых; Angelus, такім чынам, з’яўляецца самай высокааплатнай літаратурнай прэміяй у Польшчы.

Кароткі спіс прэміі Angelus – гэта фінальная сямёрка кніг, у якіх, на думку журы, спалучаюцца «шырока асэнсаваная цэнтральнаеўрапейскасць, перапрацоўка траўм, характэрных для нашага рэгіёна, а таксама нацыянальна-культурная невідавочнасць».

Перакладчыкамі рамана Альгерда Бахарэвіча на польскую мову з’яўляюцца Ян і Ігар Максімюкі, твор выйшаў у Фундацыі Pogranicze. Аўтары перакладу на польскую мову той кнігі, якая перамагла, атрымліваюць прыз у памеры 40 тысяч злотых. «Аднак, – як паведамляецца на сайце прэміі, – не выключана, што журы больш за ўсё спадабаецца кніга, першапачаткова створаная на польскай мове».

Падпісвайцеся на культурныя навіны Reform.by у Telegram