Фота: сайт гурта.
Сёння, 2 кастрычніка, адбыўся афіцыйны рэліз пашыранага спецыяльнага перавыдання (Special Edition) шостага студыйнага альбома The Beatles — «Rubber Soul» (1965). Выданне, у якое увайшлі раней неапублікаваныя студыйныя дублі і хатнія дэма-запісы, ужо даступнае на стрымінгавых платформах і на фізічных носьбітах.
Новае выданне прадстаўлена ў некалькіх фарматах (уключаючы калекцыйны Super Deluxe на 4CD і 5LP). Новы стэрэа-мікс альбома быў створаны прадусарам Джайлсам Марцінам і гукаінжынерам Сэмавым Окелам з выкарыстаннем перадавой тэхналогіі падзелу гуку (de-mixing), распрацаванай камандай рэжысёра Пітэра Джэксана.
У выданне таксама ўвайшлі арыгінальная мона-версія 1965 года, рэдкая амерыканская версія кружэлкі ад лэйбла Capitol Records і культавы падвойны сінгл «Day Tripper» / «We Can Work It Out».
Найбольшую цікавасць у калекцыях Super Deluxe выклікаюць 24 студыйныя запісы, якія адчыняюць дзверы ў творчую лабараторыю гурта 1965 года.
Найперш, гэта 20 раней невыдадзеных студыйных дубляў. Фанаты могуць пачуць раннія версіі, інструментальныя напрацоўкі і рэпетыцыі такіх хітоў, як «Norwegian Wood (This Bird Has Flown)», «Michelle» (уключаючы першы дубль Take 1), «In My Life», «Girl», «Drive My Car» і «Nowhere Man»;
Таксама рэліз уключае студыйныя дыялогі. Гэта кулуарныя размовы, жарты і абмеркаванні аранжыровак музыкамі прама падчас сесій у студыі Abbey Road.
І галоўная адкрыццё — раней невядомая песня-накід Джона Ленана «Little Girl», пра існаванне якой дагэтуль не было відома і нават не хадзіла чутак сярод даследчыкаў. Дадаем да знаходкі таксама два хатнія дэма-запісы: раннія акустычныя версіі сінглаў «Day Tripper» і «We Can Work It Out».
Бокс-сет дапаўняецца 88-старонкавай кнігай у цвёрдай вокладцы з уступным словам Пола Макартні і прадмовай, складзенай з успамінаў і роздумаў самага Джона Ленана пра альбом.
Выпушчаны ў снежні 1965 года, «Rubber Soul» стаў паваротным момантам у гісторыі The Beatles, азнаменаваўшы пераход ад класічнай «бітламаніі» да складаных аранжыровак, фолк-року і глыбокай лірыкі. Гэта была пласцінка, у якой чароўны індзі-фолк сустрэўся з першымі парасткамі псіхадэлікі: Джордж Харысан упершыню прынёс у студыю індзейскі сітар («Norwegian Wood»), Джон Ленан заглыбіўся ў філасофскую суму («Nowhere Man», «In My Life»), а Пол Макартні падарыў свету французскую элегантнасць у «Michelle». «Rubber Soul» дагэтуль натхняе музыкаў сваёй цеплынёй, новымі акустычнымі гукамі і шчырасцю лірыкі.
Спадчына The Beatles працягвае актыўна жыць і сёння: раней у гэтым месяцы было абвешчана, што будынак на Savile Row, 3 у Лондане (дзе адбыўся знакаміты канцэрт на даху) ператвараецца ў першы афіцыйны фанацкі цэнтр, які адкрыецца ў 2027 годзе. А ў красавіку 2028 года чакаецца прэм’ера маштабнага кінапраекта Сэма Мендэса з чатырох байопікаў пра кожнага з удзельнікаў гурта.
Паслухаць рэліз можна тут.
Падпісвайцеся на культурныя навіны Reform.news у Telegram