Вокладка да сінглу.
«Когда так уверен, что ты прав, То не остановит и кик в лоб», — спявае ў новай песні «Wake up!» Макс Корж. Трэк з ясным пасланнем з’явіўся сёння ў сацсетках творцы.
9 жніўня на Нацыянальным стадыёне ў Варшаве адбудзецца канцэрт беларускага рэп-выканаўцы. Квіткі на падзею былі раскуплены літаральна цягам некалькіх дзён ад даты аб’яўлення. На выступленне Каржа з розных гарадоў Еўропы арганізаваны і прадаюцца аўтобусныя туры.
Зараз у пабліках людзі пішуць пра махляроў, які гандлююць несапраўднымі квіткамі, і заклікаюць быць асцярожнымі.
Пашукаць удачы прыхільнікі раяць на афіцыйных платформах.
9 жніўня будзе першы канцэрт пасля ад’езду Макса Каржа з Беларусі.
Падпісвайцеся на культурныя навіны Reform.news у Telegram