Малюнак невядомага аўтара "Дзяды ў Беларусі" (1917). Фота: "Tradycyja"
Дзень памяці продкаў, ці Дзяды, адзначаюцца сёння — 2 лістапада.
А ў суботу, 4 лістапада, Дзядоў згадаюць у Музеі народнай архітэктуры і побыту ў Азярцы.
У традыцыйным беларускім календары Дзяды адзначаліся як найменей 4 разы на год па чатырох порах году: Масленічныя, Траецкія, Велікодныя і восеньскія. Але менавіта восеньскія лічыліся галоўнымі ў гадавым памінальным коле і называліся яшчэ Вялікімі Дзядамі. Згодна з вераваннямі, у гэтыя дні дзяды наведваюць сваіх нашчадкаў, прыходзяць да іх на памінальную вячэру, паглядзець, як яны ўшаноўваюць памяць пра дзядоў, як дбаюць аб гаспадарцы. А нашчадкі імкнуліся як мага лепей прадэманстраваць сваю годнасць і дбайнасць, абрадавай трапезай дзякавалі дзядам за добры ўраджай напрыканцы года.
Гаспадыні зранку распальвалі печ і гатавалі абавязковыя памінальныя стравы – бліны, куццю, галушкі, канун.
У некаторых рэгіёнах Беларусі на Дзяды наведваюць могілкі, на якіх пакідаюць пачастунак.
Музей народнай архітэктуры і побыту ў Азярцы запрашае далучыцца да старадаўніх традыцый святкавання Дзядоў. Актыўных ўдзельнікаў чакаюць прызы!
Вас чакаюць:
Кошт квіткоў: для дарослых – 10,50 рублі; студэнтаў ды школьнікаў – 5,50 рублі; для дашкольнікаў – бясплатна.
Дата: 4 лістапада
Час: з 13:00 да 14:00
Месца: Музей народнай архітэктуры і побыту, Азярцо, Мінскі раён.
Падпісвайцеся на культурныя навіны Reform.by у Telegram