В Беларуси освобождено 14 политзаключенных

Вызваленая палітзняволеная Галіна Краснянская
Дата нараджэння: 14 лістапада 1956
Дата затрымання: 27 красавіка 2023

Прад’яўленыя абвінавачванні:
арт. 361-3 Крымінальнага кодэкса — Удзел ці падрыхтоўка грамадзяніна Рэспублікі Беларусь на тэрыторыі замежнай дзяржавы ў ваенных дзеяннях без упаўнаважання дзяржавы
Дата прысуду: 12 студзеня 2024

Вынік суда: 5 гадоў

Від пакарання: пазбаўленне волі ў калоніі ва ўмовах агульнага рэжыму

Суддзя: Ананіч Алена

Месца зняволення: ПК № 4
Групы: Актывісты

Іншыя пазнакі: Вайна ва Украіне, Замежныя грамадзяне, Затрыманне пасля вяртання ў Беларусь, Пенсійны ўзрост

Справы: Данаты

Галіна Андрэеўна Краснянская асуджаная паводле ч. 2 арт. 361-3 КК па абвінавачванні ў фінансаванні ўдзелу, навучання, іншай падрыхтоўкі альбо выкарыстання грамадзян Рэспублікі Беларусь для ўдзелу на тэрыторыі замежнай дзяржавы ва ўзброеным фармаванні аднаго з супрацьлеглых бакоў, ва ўзброеных канфліктах, ваенных дзеяннях – за ахвяраванні беларускім вайсковым фармаванням, якія ваююць на баку Украіны супраць расейскай агрэсіі.

Галіна Андрэеўна доўгі час жыла ў Швецыі, была адной з заснавальніц афіцыйнай суполкі беларускай дыяспары, актыўна ўдзельнічала ў яе жыцці, мае шведскае грамадзянства. Пры гэтым перыядычна вярталася ў Беларусь да сваякоў. У адзін з такіх прыездаў, імаверна вясной 2023 года яе затрымалі ў Мінску.

Да шлюбу Галіна мела прозвішча Коваль. Яна нарадзілася ў Бабруйску, ў “вайсковым гарадку Кісялевічы”. Некалі там быў буйны ваенны гарнізон і школа была створаная акурат для дзяцей вайскоўцаў. У незалежнай Беларусі працавала спачатку ў вайсковай частцы, а пасля інжынерам у прыватнай фірме.

12 студзеня 2024 года ў Мінскім гарадскім судзе Краснянскай быў вынесены прысуд. Як паведамляе тэлеграм-канал дыяспары ў Швецыі Sveriges Belarusier, суд прысудзіў ёй пяць гадоў пазбаўлення волі. Суд пачаўся 4 студзеня, суддзя – Алена Ананіч.

3 траўня 2024 г. унесена МУС у «спіс экстрэмістаў».

Вызвалены палітвязень Кірыл Балахонаў
(справа «Саюза Беларускага Нацыянальнага Шчыта»
Дата нараджэння: 25 снежня 2003

Дата затрымання: 8 лістапада 2022

Прад’яўленыя абвінавачванні:

арт. 361-1 Крымінальнага кодэкса — Стварэнне экстрэмісцкага фармавання або ўдзел у ім
арт. 361-4 Крымінальнага кодэкса — Садзейнічанне экстрэмісцкай дзейнасці
Дата прысуду: 7 ліпеня 2023

Вынік суда: 3 гады і 6 месяцаў

Від пакарання: пазбаўленне волі ў калоніі ва ўмовах узмоцненага рэжыму

Суддзя: Бачышча Алена

Кірыл Васільевіч Балахонаў — адзін з пяці ўдзельнікаў закрытага чата «Саюз беларускага нацыянальнага шчыта», аб затрыманні якіх МУС даў справаздачу ў пачатку лістапада 2022 года. Чат МУС прызнала экстрэмісцкім фармаваннем тыднем раней. У ведамстве распавялі, што супраць затрыманых распачалі крымінальную справу па артыкуле аб стварэнні экстрэмісцкага фармавання.

Судзілі 17-гадовага жыхара Магілёўскай вобласці Алега Паўлавіча Дабрыднева, 19-гадовых жыхароў Гомельскай і Брэсцкай абласцей Кірыла Балахонава і Уладзіслава Аляксандравіча Ефімовіча, 27-гадовага жыхара Гродзенскай вобласці Аляксандра Іванавіча Рукойця. Лёс яшчэ аднаго затрыманага — невядомы. У Мінскім абласным судзе 5 ліпеня 2023 года таксама быў асуджаны 17-гадовы Мікіта Бруй.

У прэс-рэлізе МУС гаварылася, што адзін з затрыманых — гэта 18-гадовы жыхар Буда-Кашалёва Кірыл Балахонаў, які збіраўся «паехаць ва Украіну для ўдзелу ў баявых дзеяннях у складзе нацыяналістычнага батальёна».

Дзеянні Дабрыднева і Балахонава кваліфікавалі паводле ч.1 арт. 361-1 (стварэнне экстрэмісцкага фармавання альбо ўдзел у ім), ч. 1 і ч. 2 арт. 361-4 (садзейнічанне экстрэмісцкай дзейнасці), Ефімовіча – паводле ч. 3 арт. 361-1 (стварэнне экстрэмісцкага фармавання альбо ўдзел у ім), ч. 1 і ч. 2 арт. 361-4 (садзейнічанне экстрэмісцкай дзейнасці), Рукойця – паводле ч. 3 арт. 361-1 (стварэнне экстрэмісцкага фарміравання ў ім) і ч. 1 арт. 130 Крымінальнага кодэкса (распальванне іншай сацыяльнай варожасці або варожасці).

Чацвёра хлопцаў утрымліваюцца пад вартай.

Справу разглядалі з 29 чэрвеня па 7 ліпеня 2023 г. у Мінскім абласным судзе. Працэс у закрытым рэжыме вяла Алена Бачышча.