У суботу, 13 красавіка, у варшаўскім клубе Scena Chmielna прайшло ўручэнне прэміі «Uwaga!», зладжанай для падтрымкі музыкаў, арганізатараў канцэртаў і дабрачынных імпрэзаў у эміграцыі.
Арганізатары Прэміі — былы дырэктар мінскага паба «Графіці» Аляксей Ажогін і радыёвядучая Марына Савіцкая.
У журы прэміі ўвайшлі: прадзюсар Павел Юрцэвіч, галоўны рэдактар «Еўрарадыё» Павел Свярдлоў, журналіст Вячаслаў Радзівонаў, арганізатарка беларускіх канцэртаў у эміграцыі Інэс Сянкевіч, музычны журналіст і стваральнік YouTube-канала «Міністэрства сепультуры» і тэлеграм-канала «Беларуская музыка» Аляксандр Чарнуха, прадзюсар і сузаснавальнік клуба «Scena Chmielna» Віталь Броўка і арганізатары прэміі Аляксей Ажогін і Марына Савіцкая.
Імпрэзу ўзнагароджання правялі Віталь Броўка і Марына Савіцкая.
![У Варшаве адбылося ўручэнне першай беларускай музычнай прэміі ў эміграцыі «Uwaga!» - фотафакт](https://reform.news/wp-content/uploads/2024/04/scena.jpg)
Пераможцам уручаліся дыпломы і «кампліменты» ад бара «Scena Chmielna».
Было вызначана 11 намінацый за дасягненні ў 2023 годзе.
![У Варшаве адбылося ўручэнне першай беларускай музычнай прэміі ў эміграцыі «Uwaga!» - фотафакт](https://reform.news/wp-content/uploads/2024/04/8155a49f-62e4-498b-85b6-13138cf99a26.jpg)
«Песня года» – «Emigrant Song» Leibonik-а.
Арганізатары папрасілі журы выбраць самую гучную і цікавую кампазіцыю мінулага года. За першае месца змагілася дзве песні: «Я вернусь домой» гурта «Дай дарогу!» і «Emigrant Song».
«Альбом года» – альбом «Там» Leibonik-а.
Сярод намінантаў, што працуюць у Польшчы, быў прадстаўлены шырокі дыяпазон: ад змрочнага альбома «Зямля пад чорнымі крыламі: Кроў» блэк-мэтал-гурта «Dymna Lotva» да вельмі светлага «Музыка сфер» ад рэгі-гурта «Botanic Project».
![У Варшаве адбылося ўручэнне першай беларускай музычнай прэміі ў эміграцыі «Uwaga!» - фотафакт](https://reform.news/wp-content/uploads/2024/04/337656fd-3046-45f1-9aa6-281ac753c868.jpg)
«Дабрачыннасць года» – анлай-марафон салідарнасці «Нам не ўсё адно», на завяршэнні якога выступілі беларускія музыкі.
Сярод канкурэнтаў былі: паездка Піта Паўлава ва Украіну ў падтрымку палка Каліноўскага і арт-рэзідэнцыя «Дом творцаў», створаная Сержуком Доўгушавым.
![У Варшаве адбылося ўручэнне першай беларускай музычнай прэміі ў эміграцыі «Uwaga!» - фотафакт](https://reform.news/wp-content/uploads/2024/04/0298e3c8-3bae-4998-b611-8c03df33cf8d.jpg)
«Клуб года» – пляцоўка «Scena Chmielna». Галасы сяброў журы, звязаных з клубам, не залічваліся пры вызначэнні намінацыі. За першае месца змагаліся не толькі тыя лакацыі, якія прымаюць у сябе музыкаў, але і сацыяльна-музычныя, такія як Беларускі Моладзевы Хаб, Беларускі Дом у Варшаве і іншыя.
![У Варшаве адбылося ўручэнне першай беларускай музычнай прэміі ў эміграцыі «Uwaga!» - фотафакт](https://reform.news/wp-content/uploads/2024/04/cdd5965a-3fbb-4069-9d50-ea6d3450d8d2.jpg)
«Падзея года» – фэст «Варушняк». Журы папрасілі пазначыць найбольш яркую імпрэзу, фестываль ці канцэрт або выставу, якія праходзілі ў эміграцыі. Выбіралі сярод значных мерапрыемстваў, такіх як «Гучна-фэст», «Грай», «Tutaka», хоць апошні адбываўся не ў Варшаве, а пад Беластокам. Таксама разглядалася выстава Юрыя Стыльскага і Лявона Вольскага ў Музеі Вольнай Беларусі.
![У Варшаве адбылося ўручэнне першай беларускай музычнай прэміі ў эміграцыі «Uwaga!» - фотафакт](https://reform.news/wp-content/uploads/2024/04/c62fdb49-0cdb-4ca2-b5e7-78fde09663ee.jpg)
«Арганізатар года» – «Wild Beat Sound». Званне лепшага арганізатара музычных падзей у Варшаве было нададзенае за якаснае і эфектыўнае правядзенне вялікай колькасці канцэртаў і музычных імпрэз. Інэс Сянкевіч на ўручэнні прэміі паведаміла, што «Wild Beat Sound» было праведзена каля 50 канцэртаў у 2023 годзе, а самай гучнай падзеяй, да арганізацыі якой спрычынілася, яна назвала фестываль «Грай».
![У Варшаве адбылося ўручэнне першай беларускай музычнай прэміі ў эміграцыі «Uwaga!» - фотафакт](https://reform.news/wp-content/uploads/2024/04/14456e97-c2ed-4d4d-8ccc-941e303ef099.jpg)
«Адкрыццё года» – «Kurwadziki» з Беластока. У вызначэнні намінацыі бралі пад увагу не толькі калектывы, але і розныя ініцыятывы, разглядалі, напрыклад, праекты «ДСП» ад «Разбітага сэрца пацана» і «Эмігранты» Лявона Вольскага, гурты «Nochy» і «Irdorath», Анастасію Рыдлеўскую, Pan Savyan і «Rodvaloth».
![У Варшаве адбылося ўручэнне першай беларускай музычнай прэміі ў эміграцыі «Uwaga!» - фотафакт](https://reform.news/wp-content/uploads/2024/04/5ffb86f0-1cfe-4c70-b7b3-a0cd3d5c4c02.jpg)
«Пераадкрыццё года» – Сяргей Пукст. У гэтай намінацыі вызначалі калектывы ці музыкаў, якія ў эміграцыі паказалі сябе з нечаканага боку і прывабілі новую аўдыторыю. «Сяргея Пукста запрашалі ў два разы больш, чым іншых людзей, — сказаў вядучы Віталь Броўка, — але ж не арыфметыка стала падставай для гэтага рашэння».
Сярод намінантаў былі «Atesta», «N.R.M.», «:B:N:», «Irdorath», Аляксандр Памідораў.
«Сімпатыя народа» – «Naviband». Перад імпрэзай было прапанавана назваць любога выканаўцу ў сацсетках і праз анлайн-форму. Найбольшую колькасць галасоў атрымалі «Naviband», Света Бень, гурты «Dzieciuki», «Сіндром самазванца» і «Botanic Project». Музыкі гурта «Naviband» Ксенія Жук і Арцём Лук’яненка не змаглі прысутнічаць на ўзнагароджанні, але абяцалі выкласці у Facebook свой відэазварот.
![У Варшаве адбылося ўручэнне першай беларускай музычнай прэміі ў эміграцыі «Uwaga!» - фотафакт](https://reform.news/wp-content/uploads/2024/04/b667f147-3b56-4693-a36d-5b1f2470b2d8.jpg)
«Выканаўца года» – галасы журы падзяліліся паміж Аляксандрам Памідоравым і Кетэван. У гэтай намінацыі вылучаліся самы яскравы артыст ці артыстка на польскай сцэне.
![У Варшаве адбылося ўручэнне першай беларускай музычнай прэміі ў эміграцыі «Uwaga!» - фотафакт](https://reform.news/wp-content/uploads/2024/04/cf0ad53d-3d5d-424f-93f9-cb8d821eea5e.jpg)
«Гурт года» – «Дай дарогу!». У гэтай намінацыі абіралі самы яскравы беларускі калектыў, які праявіў сябе на польскай сцэне.
Падпісвайцеся на культурныя навіны Reform.by у Telegram
Если вы нашли ошибку, пожалуйста, выделите фрагмент текста и нажмите Ctrl+Enter.
Сообщить об опечатке
Текст, который будет отправлен нашим редакторам: