У Музеі Вольнай Беларусі ў Варшаве пройдзе лекцыя Уладзіміра Арлова пра ролю жанчын у нашай гісторыі

Уладзімір Арлоў. Фота: budzma.org.

21 верасня ў Музеі Вольнай Беларусі вядомы беларускі пісьменнік і гісторык Уладзімір Арлоў раскажа, як жанчыны ўплывалі на лёсы народа і пераломныя моманты краіны.

Падчас лекцыі «Ад Рагнеды да Ларысы Геніюш. Выдатная роля жанчын як феномен гісторыі Беларусі» спадар Уладзімір адкрые цікавыя і многім невядомыя факты пра нашых славутых суайчынніц:

асветніцу і мецэнатку Еўфрасінню Полацкую;
Сафію Полацкую, каралеву Даніі;
правы жанчын у Вялікім Княстве Літоўскім;
пісьменніцу і тэатральную дзяячку Францішку Уршулю Радзівіл;
авантурніцу, мемуарыстку Саламею Пільштынову;
Эмілію Плятэр і гераіняў вызвольных паўстанняў 1830–1831 і 1863–1864 гг.;
міністарку Першага Ураду БНР Палуту Бадунову.

Пасля лекцыі можна будзе набыць кнігі аўтара і іншых беларускіх пісьменнікаў і пісьменніц ад выдавецтва «Камунікат», а таксама паўдзельнічаць у віктарыне з літаратурнымі прызамі.

Лекцыя пачнецца 21 верасня ў 16:00.

Уваход вольны.

Рэгістрацыя тут.