Кнігарня "Кнігаўка" ў Варшаве. Фота: сацсеткі выдавецтва "Янушкевіч".
Пасля выхаду інтэрв’ю дырэктаркі выдавецтва Gutenberg Publisher Валянціны Андрэевай Reform.news у сеціве працягваецца абмеркаванне тэмы развіцця беларускага кніжнага рынку. Андрэй Янушкевіч сёння падзяліўся дадзенымі пра ўдзельныя долі продажаў выдавецтваў на ўсіх каналах «Кнігаўкі» за 2025 год.
Адзначым адразу, што «Кнігаўка» — гэта пляцоўка, дзе можна знайсці кнігі розных выдавецтваў, але ж заснавальнікам яе з’яўляецца выдавецтва «Янушкевіч».
Так, абароты продажаў па грашах, паводле спадара Андрэя, выглядаюць наступным чынам:
Абароты па колькасці прададзеных экзэмпляраў беларускіх кніг:
Нагадаем, што дыскусія разгарэлася вакол стратэгій развіцця беларускай кніжнай справы. Кіраўніца выдавецтва Gutenberg Publisher Валянціна Андрэева распавяла ў інтэрв’ю, што яе кампанія ў ходзе сваёй працы прыйшла да канцэпцыі выдавецтва як інкубатара кніжных праектаў. Яна хоча правесці даследаванне на тэму эканомікі працэсу кнігавыдання і зрабіць адпаведную аналітычную публікацыю.
Андрэй Янушкевіч не пагадзіўся з прапановай Валянціны Андрэевай. Ён лічыць, што дадзеных дастаткова, каб ужо цяпер зрабіць высновы наконт сферы.
«Каб усё ў беларускай выдавецкай сферы развівалася эфектыўна і з поспехам, трэба вырашаць усяго толькі дзве асновапалягаючыя, фундаментальныя задачы», — давёў выдавец. Першая — гэта пастаянны выпуск новых кніг, другая — распрацоўка аўдыторыі, рэклама і інфармацыйная работа.
Сёння ў якасці прыкладу рэальных дадзеных спадар Андрэй падзяліўся лічбамі ўдзельнай долі продажаў выдавецтваў на каналах «Кнігаўкі» — адной з найвядомейшых пляцовак беларускай кнігі — і афлайн, і анлайн.
Ці з’яўляюцца, на ваш погляд, прыведзеныя лічбы адлюстраваннем агульнай карціны ў выдавецкай справе?
Падпісвайцеся на культурныя навіны Reform.news у Telegram