«Роўны Сакавік» — праваабаронцы зладзілі месяц імпрэз за недыскрымінацыю, роўнасць і інклюзію

«Роўны Сакавік» — маштабная ініцыятыва, прысвечаная барацьбе з дыскрымінацыяй і прасоўванню каштоўнасцяў роўнасці і інклюзіі, запрашае да ўдзелу ў анлайн і афлайн- прасторы.

Арганізатары падзеі — няўрадавыя арганізацыі Human Constanta і ІншыЯ — аб’ядналі намаганні дзеля стварэння кампаніі, накіраванай на павышэнне дасведчанасці грамадства пра праблемы дыскрымінацыі і пошук шляхоў іх вырашэння. Кампанія #РоўныСакавік2025 уключае месяц адукацыйных падзей і культурных мерапрыемстваў, якія рэалізуюцца партнёрскімі ініцыятывамі.

Сярод бліжэйшых падзей:

Вільнюс

Варкшоп «Правы Чалавека і АІ» 21.03
Кінапаказ «І ўсё ж Лоранс» 22.03

Варшава

Ніці, узоры і сувязі: арт-варкшоп 21.03
Трэнінг «Фільтры Рэальнасці 30.03
Акварэльны майстар-клас: творчасць, роўнасць, інклюзія 22.03
Эйджызм у бізнесе. Стэрэатыпы і рэальнасць 29.03

Беласток

КінаКлуб па суботах

Афіша аднаўляецца на сайце і ў сацсетках арганізацый.

«Роўны Сакавік» – гэта натуральнае развіццё шматгадовай працы нашых арганізацый. Аб’яднанне Тыдня нулявой дыскрымінацыі ад ІншыЯ і Тыдня за роўнасць і інклюзію ад Human Constanta дазволіць стварыць больш магутную платформу для абмеркавання і вырашэння праблем дыскрымінацыі», – адзначаюць арганізатары.

Да ініцыятывы яшчэ могуць далучыцца грамадскія арганізацыі і актывісты: правесці сваё мерапрыемства, стварыць інфармацыйныя матэрыялы, распаўсюдзіць інфармацыю ў сваіх каналах. Каб далучыцца, трэба запоўніць форму.

Даведка:

Human Constanta і ІншыЯ – беларускія арганізацыі, якія на працягу некалькіх гадоў працуюць у сферы процідзеяння дыскрымінацыі і прасоўвання каштоўнасцяў роўнасці.